Kultureqarnermut Sunngiffimmut Pitsaaliuinermut ataatsimiititaliaq sinnerlugu siulittaasoq Kiista P.Isaksen arfinngorpat siorna qallunaat nunaanni X-faktorimi ajugaasoq Thomas Ring Kommune Kujallermut Narsamut tikilluaqqussavaa.

Nuannaarutigalugu ataatsimiititaliaq sinnerlugu Narsami Nalittarfittaarniaqatigiit Narsarmi Pilersuisoq peqatigalugu aningaasannanniarlutik aaqqissugaannut X-appigit ingerlanneqarnissaanut tikilluaqqusissaanga.

Kommune Kujallermi tulluussimaarutigaarput peqatigiiffiit eqqumaarissut namminneq piumassuseqarnermikkut pisoqartitsillutik suliniutinik anguniakkaminnik piviusunngortitsiniarneri, tamaattumik Narsap timersortarfiani apriilip aappaani unnummi unammiaartitsinermut peqataasussaavunga.

Thomas Ring nammineq aamma tusarnaartitsisussaavoq aammalu erinarsornerni unammiuaartitsinerni nalileeqqataasussaalluni.

Aaqqissuinermi iluanaarutit tamarmik nalittarfittaarniaqatigiiinnut tutsinneqassapput, aaqqissuusineq Narsami Pilersuisoq peqatigalugu ingerlanneqarpoq, iluatsillugulu innuttaasunut kaammattuugissavara peqataalluartoqaqqullugu taamaaliornikkut suliniaqatigiiffik tapersersussagatsigu aammali Thomas Ring nunatsinni qanoq nuannaallaqqitsiginitsinnik takutitsivigalugu.

Peqataalluarisi, ikinngutinnersumik