Siunertaavoq takornariaqarnermut allaffinnut/paasissutissiisarfimmut kiffartuussinissamik isumaqatigissutikkut isumannaassallugu Kommune Kujallermi takornariartitsinerup pitsaasumik ineriartortittuaannarnissaa, kiisalu qulakkiissallugu Kommune Kujallermi sumulluunniit attuumassuteqanngitsumik piginnaaneqarluartumillu takornariaqarnermut tunngasunik paasissutissiisarnissaq.

Neqeroorummi pineqarput
Takornariaqarnermut allaffinni/takornariaqarnermut paasissutissiisarfinni kiffartuussinissamik isumaqatigiissut illoqarfinni ukunani:
Nanortalik
Qaqortoq
Narsaq

Narsarsuarmi mittarfeqarfimmi paasissutissiisarfimmut/takornariaqarnermut allaffimmi kiffartuussinissamik isumaqatigiissut. Takornarissat Narsarsuarmut tikinneranni paasissutissiineq/kiffartuussinerlu, Atlantikukkoorlutik Rekjavik-imiillu timmisartukkut tikittunik.

Sullissinissap sivisussusia:
Takornariaqarnermut allaffinnik ingerlatsinissamut kiffartuussinissamik isumaqatigiissut neqeroorutigineqarpoq sivisussuseqassasoq piffissami ukiuni marlunni 1. januar 2010-miit
31. december 2011-mut.

Neqerooruteqarnermut periarfissat:
Neqerooruteqartoq periarfissaqarpoq illoqarfimmi ataatsimi arlalinniluunniit aamma/imaluunniit Narsarsuarmi tikittarfimmi kiffartuussinissamik isumaqatigiissuteqarnissamut neqerooruteqarnissamik.

Neqerooruteqarnissamut najoqqutassat:
Neqerooruteqarnissamut paasissutissat pissarsiarineqarsinnaapput Nanortalimmi, Qaqortumi Narsamiluunniit inuussutissarsiornermut allaffimmut saaffiginninnikkut.

Neqerooruteqarneq:
Takornariaqarnermut allaffimmik/allaffinnik ingerlatsinissamut kiffartuussinissamut aammaluunniit tikittunik kiffartuusivimmik/paasissutissiisarfimmik kiffartuussinissamik isumaqatigiissutissamut neqeroorut Kommune Kujalliup tigoreersimassavaa kingusinnerpaamik 5. december nal. 12.00 (mærket "Takornariartitsinermut neqeroorut")uani:

Kommune Kujalleq
Postboks 37
3921 Narsaq