Narsami Inuussutissarsiornermut siunnersorti

Piaartumik isumaqatigiissuteqarnikkulluunniit atorfinittussaq.

Inuussutissarsiornermut suliffeqarnermullu Ingerlatsivik Narsamiippoq, immikkoortoqarlunilu Nanortalimmi Qaqortumilu. Atorfik Narsami inissisimavoq.

Inuussutissarsiornermut siunnersortip pingaarnertut suliassarai politikkikkut ataatsimiititaliap kiffartuuneqarnissaa oqaluuserisassanik siunnersuussiornikkut, sulianik saqqummiussisarnikkut, ineriartortitsinermut pilersaarusiornikkut, tusarniaanernik akissutissiornikkut il.il.

Ingerlatsiviup allaffissornikkut suliassat isumagisassarai akisussaaffiit makku iluannittut:
- Aatsitassat
- Inuussutissarsiornermik ineriartortitsineq
- Inuussutissarsiutinik oqallittarfik
- Takornariaqarneq
- Angallanneq
- Suliffeqarfinnik siunnersuineq
- Aallarnisaaasunik pilersitsisunillu siunnersuisneq
- Nunaqarfinnik ineriartortitsineq
- Aalisarnermut pinniarnermullu tunngasut

Politikkimut tunngatillugu immikkoortoqarfik taanna Inuussutissarsiornermut Suliffeqarnermullu ataatsimiititaliap ataani inissisimavoq Kommune Kujallermi.

Pisinnaasat: Naatsorsuutigaarput
- Ilinniagaqarsimasuunissat uppernarsaatitalimmillu sulianik saqqumiussisarnermik, tusarniaassutinik
  akissutissiornernik, siunnersuutinik, ineriartortitsinermillu pilersaarusiornermik il.il.   misilittagaqartuunissat
- Allakkatigut attaveqarnermik piginnaaneqarluarnissat, atorfik allattariarsornartuummat
- Tuluttut piginnaaneqartuunissat, aatsitassarsiornermik suliat tuluttut ilisimasaqarnissamik
  piumasaqaatitaqarmata
- Sunniuteqarluarsinnaassuseqarnissat, anguniagaqartuunissat aamma tamanik
  malinnaasinnaassuseqarnissat
- Suleqatikkuminartuunissat, eqaatsuunissat isumassarsiorluartuunissallu

Atorfeqartitaaneq
Akissarsiaqarneq atorfeqartitaanerlu AK-p isumaqatigiissutai malillugit. Avataaniit qinuteqartumik atorfinitsitsinermi pequtit assartorneqarnerannut nutasernermilu aningaasartuutit kommunip akilissavai, taamatuttaaq inissaqartitsisoqassaaq, ineqarnermut nalinginnaasumik akiliisoqartassalluni najoqqutassiat atuuttut malillugit.

Atorfimmut tunngasunik paasissutissat pissarsiarineqarsinnaapput Inuussutissarsiornermut suliffeqarnermullu pisortaq Grethe H. Nielsen tlf. 70 41 00 eller pr. mail: grni@kujalleq.gl attaveqarfigalugu

Qinnuteqaat kommunip tigoreersimassavaa kingusinnerpaamik 20. januar 2012. Qinnuteqaat uunga nassiunneqassaaq:
Kommune Kujalleq
Personalekontoret
Postbox 37
3921 Narsaq

imaluunniit pr. mail til post@kujalleq.gl